Concerto | A Rosa d'Adina

Baixo o auspicio de Xacobeo Galicia









"Nada me distrae Rosiña, a pena que por ti sinto, de día coma de noite.
Este meu corazonciño, contigo decote fala, porque o falar ben o sinto"

En concerto aCadaCanto, presentando A Rosa d'Adina
Sábado 10 de agosto, ás 21.00h · Claustro gótico (entrada libre até completar aforo)
www.musicasdesalitre.com

O   pazo   de   Arretén,   a   igrexa   de   Bastavales,   Bonaval,   o   Santuario   da   Barca,   as   fontes   de   Ortoño   ou   os   regatos   de   Laíño...  cantar  a  Rosalía  é  como  regresar  á  segunda  metade  do   século   XIX   para   inzar   de   novo   esos   lugares   dos   cantares   que   ela   mesma   escoitou   e   que   inspiraron   esa   obra   da   que   celebramos  150  anos  de  gloria.

Aquela   lírica   lustrosa,   aguda,   amorosa,   desafiante,   divertida,   retranqueira...   que   inspirou   a   súa   escrita   nos   “Cantares   Gallegos”   nos   que   ela   mesma   recollía   coplas   populares   para   facer  medrar  a  poesía  dende  aquel  motivo  “anónimo”  popular   e  maravilloso.  Filla  e  nai  da  poesía  do  povo,  colleu  dese  cantar   colectivo   e   sen   nome   e   entregou   os   seus   versos   para   seren   logo   cantados   con   ese   espíritu   colectivo   e   anónimo...   non   hai   xeito  de  perpetuidade  máis  certo  e  máis  vivo. 

A   nosa   humilde   empresa   como   músicos   de   hoxe   sexa   perpetuar   a   súa   palabra   precisamente   onde   reside   a   lírica   popular,   na   memoria   colectiva...   esa   que   sabe   e   ás   veces   non   sabe  de  quen  sabe...  cantemos  a  Rosalía  e  sexa  cantada  outros   150  anos!     

aCadaCanto


This entry was posted on lunes, 1 de julio de 2013. You can follow any responses to this entry through the RSS 2.0. Responses are currently closed.