Concerto no claustro medieval Catedral de Tui, 21h.
Entrada libre por orde de chegada, sen reserva previa.
Apertura de portas 20h45
![](https://blogger.googleusercontent.com/img/b/R29vZ2xl/AVvXsEi_xg-IIAqAZnUWp81MWKEAsH7oown6YrMe-VFmyJfDQAlV3HjDKIPzGqRMtQcRn9A_DRGm6tQCX9__1AxvEdd0fMQ3wWfQLIOIHKnL3lU7pV0QhFz4w7GQdNaOd7Kek6H9FDWL4EaZBxE8k6uZHnmbgKyqHGX8jYLAOw94dvc_SY-1ExDBebEH1Tolc66g/s795/Ballake%20Sissoko%20%C2%A9Benoit%20Peverelli_web2.jpg)
![](https://blogger.googleusercontent.com/img/b/R29vZ2xl/AVvXsEiN1cVxz3PcvpKlmKHWSzyJ4x3kxS6khY73-1v4cmDXIhnrxZlQbu1uB4QWWyC7w5HRxg8HwyvtgUXwxTDhBT1NGtjRH6z83c8vIpx8Ffh7cpHQ3k4IR_is7JHOQi_Ft6UtSJu7UmbW8_wQ700y1cwDUBGjp1BrgdikYtyStFPNcmnI_YHv0IWxbzmolxZx/s1200/Ballake%20Sissoko%20%C2%A9Benoit%20Peverelli%201200.jpg)
© Fotografías de Benoit Peverelli
Xoves, 3 de agosto, 21h
Músicas de Mali, África
Kora
BALLAKÉ SISSOKO
«A kora é o símbolo dos griots mandingas, músicos e narradores ancestrais. Para eles, a kora é máis que un instrumento musical, é un mito, unha testemuña da historia rodeada de misterios e fábulas». Así comeza a película documental Ballaké Sissoko, une histoire de Kora.
Música no Claustro recibe ao malinense Ballaké Sissoko, un dos principais referentes mundiais da música do continente africano. O seu disco New Ancient Strings, ao carón de Toumani Diabaté, marcou un fito no recoñecento internacional do seu instrumento, a kora. Foi o primeiro título dunha longa lista discográfica asinada por Ballaké Sissoko na que destacan as colaboracións con Vincent Segal, Ludovico Einaudi, Piers Faccini ou Salif Keita.
Música no Claustro ofrece a oportunidade de descubrir o cativador e elegante son da kora, nun diálogo solitario no que os dedos de Ballaké Sissoko voan sobre imaxinarias paisaxes descoñecidas. Este excepcional concerto intégrase no foro profesional Resonancias 23 e está precedido dunha conferencia aberta ao público o mércores 2 (18h45) de Lucy Durán, profesora de música na SOAS-Universidade de Londres e produtora musical do disco New Ancient Strings e co-directora da película documental Ballaké Sissoko, une histoire de Kora.