Concerto no claustro medieval da Catedral de Tui, 21h.
Entrada libre por orde de chegada, sen reserva previa.
Apertura de portas 20h45
Fotografía © Joan Cortès / Tomajazz Barcelona
Domingo, 2 de agosto, 21h
Flamenco
Concerto
VÍCTOR FRANCO
LAURA MARCHAL
O guitarrista Víctor Franco e a cantaora Laura Marchal regresan a Música no Claustro despois do concerto que ofreceron en 2024 ao carón do percusionista Jesús Campos. Aquel recital supuxo o debut de Laura Marchal en Galicia coa presentación do seu primeiro traballo discográfico, Aceitunitas negras, unha música que interpretou recentemente no Concertgebouw de Ámsterdam.
Víctor Franco reflicte na súa guitarra unha técnica depurada e unha visión persoal do flamenco, na que conviven a pulcritude interpretativa e a súa gaditanería. Esta personalidade artística maniféstase tanto nos seus proxectos en solitario como nas colaboracións con Laura Marchal ou Alba Molina. Conxuntamente, veñen de publicar unha emotiva versión do Pequeño vals vienés, o poema de Federico García Lorca musicado por Leonard Cohen.
Este concerto enmárcase no acordo entre a Sociedad de Artistas Intérpretes ou Executantes (AIE) e o Festival Música no Claustro, que ten por obxectivo impulsar a difusión do flamenco en Galicia. Grazas a esta colaboración, o festival acolleu nos últimos anos as actuacións de artistas como Gabriela Giménez ou Ángeles Toledano.
Jesús Campos, Laura Marchal e Víctor Franco en Música no Claustro 2024
