Desta forma achegamos o festival a un público profesional do ámbito da xestión e crítica musical dende a perspectiva do patrimonio cultural, e difundimos as propostas musicais galegas impulsadas. Ao mesmo tempo foi unha oportunidade para coñecer novas propostas de xestión pública e empresarial de proxectos de patrimonio cultural e musical, e para afondar no coñecemento de recursos e ferramentas na xestión dixital do patrimonio cultural no marco do Plan de modernización e dixitalización Música no Claustro 2021- 2025, financiado polos fondos Next Generation da Unión Europea, a través do INAEM, no horizonte do VIII centenario da Catedral de Tui.
Esta acción de promoción contou co apoio da Xunta de Galicia.
