Conversa en Ideas Peregrinas, 12h30
Entrada libre por orde de chegada, sen reserva previa.
Mércores, 5 de agosto, 12h30
Saúde mental, neurociencia e perspectiva de xénero na música
Conversa en Ideas Peregrinas
GIULIA VALLE, contrabaixista e compositora
PILAR SERRANO BETORED, musicóloga
Giulia Valle e Pilar Serrano Betored participarán en Ideas Peregrinas, ás 12h30, nun encontro arredor da saúde mental, a neurociencia e a perspectiva de xénero no ámbito musical, tomando como punto de partida as súas propias experiencias e investigacións.
Giulia Valle é compositora, arranxista e contrabaixista, nacida en Italia e residente en Barcelona. A súa traxectoria sitúaa entre as voces máis persoais, prolíficas e recoñecidas da escena do jazz catalán, cun universo sonoro propio que transita con naturalidade entre a composición, a improvisación e a experimentación. En paralelo á súa actividade artística, é autora do libro Cerebro en equipo: Neurociencia para el desempeño y la motivación en Música y otras artes (Versos & Reversos, 2025).
Pilar Serrano Betored e doutora en musicoloxía, profesora na Universidad Autónoma de Madrid e integrante do proxecto de investigación «Hacedoras de cultura». En 2023 foi becaria da Real Academia de España en Roma, onde realizou o proxecto de investigación Roma Città Jazz: Mulleres instrumentistas e estereotipos de xénero na escena musical contemporánea no que contou coa participación de Giulia Valle e a tomiñesa Andrea G. Giráldez.
